اسمعـي والكـل مـنـا لــه هــواه ولــه ميـولـه
لاتمسـيـن بكـلامـك شـعـره بــروس القـرايب
ان حكيتـي مــا وفـيـت وان تحديـتـي عجـولـه
تحسبيـن ان كـل فعـل ٍ تفعلـه يمـنـاك صـايـب
تحسبيـن انـك خذيتـي بالحـش صولـة وجـولـة
تحسبيـن انـي ذكرتـك مـع نسانـيـس الهبـايـب
والله انـك لـو ذبحتـي خافقـي لألـقـاك حـولـه
عاشقة تشقي بقلـب مـن طريـق العشـق هايـب
كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب
ادعيت انك خجولة وادري ان ما انتـي خجولـة
وادري انك تخجلين الشمس من فـوق السحايـب
مايحبـبـنـي بقـلـبـك ياالـهـنـوف الا فـضـولـه
ولا ينسينـي غرامـك غيـر تـكـرار المصـايـب
عاشقـة جيـتـي ورحـتـي يالحبيـبـه يالعـذولـه
لابنيـتـي لــي طـمـوح ولا تركتيـهـا خـرايــب
تستبيـحـيـن الـقـلـوب وتستحـقـيـن البـطـولـة
واستحـق اعيـش بعـدك تايـب وامــوت تـايـب
ياكثـر ماشـال قلبـي شـي اكـبـر مــن حمـولـه
ولا عفيتـي عـن غـلاه ولابخـل لـك بالوهايـب
كنـه ارحـم مـن همـال المـزن للزهـر بذبـولـه
وانتي اقسى من هجيـر القيـظ وسمـوم اللهايـب
وانتي ادرى في غلاك بداخلي ش اللـي يزولـه
وادخلـي علـى الله واحفـظـي ذيــك السبـايـب
ماخبـرت اللحظـة اللـي حللـت قـربـك تحـولـه
ولا هقيـت انـي بشـدد للجـفـا قـلـب وركـايـب
ولاهقيـت انـك تحبيـن الزلـل وانـتـي جفـولـه
ولاهقيـتـك تكرهيـنـي كـثـر حـبـك للـطـلايـب
كـن قلبـي فـي وصالـك وابـل ٍلحـظـة نـزولـه
وفي فراقك مثل دمعـة تنحـدر مـن عيـن شايـب
كنت ابي وقفـت حبيبـه تنهـض القلـب بخمولـه
طامـح بالعشـق وانتـي عايبـه والـحـظ عـايـب
كنت ابيع الكون واشتري خافقك وظلال زولـه
كنت اثور اليـا وطيتـي بالقـدم شهـب الترايـب
كنـت قصـن كـل كفـي غـيـر كـفـك مايطـولـه
كنـت قلـب ودمعتيـن ودرب وجـروح عطـايـب
كنت ابيع العمر كله ورخصه عرضـه وطولـه
للعيـون الـي هدبـهـا ثـامـن السـبـع العجـايـب
بس ابرضي لك غرورك واكسر القلب بذهولـه
وقتهـا ماكنـت افكـر صايـب او كـنـت خـايـب
والرجـل لــو ماتحـلـى بالشهـامـه والرجـولـة
صدقينـي صعـب يقـدر يملـك قلـوب الحبـايـب
صدقيـنـي مايـوالـف خـافـق البـنـت بسهـولـه
بالهـوى يابنـت حـواء غيـر طــلاب النشـايـب
والسهر والعشـق الاول والهـوى واللـي ينولـه
شي اقسى من همومـك والعنـه حاضـر وغايـب
والهمـوم اللـي دعتنـي مـن بعـد سـن الطفـولـة
كلها ( من تحت راس العشق ) ملعون الصلايب
****************************** ***************
الثلاثاء يوليو 01, 2008 11:28 pm
